ಅಕೇರಿದ ಎಕ್ಕ್ ಗ್ ಪಣಿಯಾಡಿ

ಶ್ರೀಮತಿ ಶಾರದಾ ಎ. ಅಂಚನ್ ಕೊಡವೂರು ಮೆರೆನ ಅಕೇರಿದ ಎಕ್ಕ್ ತುಳು ಕಾದಂಬರಿಗ್ ಪಣಿಯಾಡಿ ಪ್ರಶಸ್ತಿ.

ತುಳುಕೂಟ (ರಿ) ಉಡುಪಿ, ಪ್ರತಿ ವರ್ಷ ಕೊರ್ಪಿನ ದಿ. ಎಸ್. ಯು. ಪಣಿಯಾಡಿ ಪ್ರಶಸ್ತಿಗ್ ಈ ವರ್ಷಡ್ ಮುಂಬೈದ ಶ್ರೀಮತಿ ಶಾರದಾ ಎ.ಅಂಚನ್ ಕೊಡವೂರು ಮೆರೆನ : ಅಕೇರಿದ ಎಕ್ಕ್ * : ಹಸ್ತಪ್ರತಿ ಆಯ್ಕೆ ಯಾತುಂಡ್ .
ತುಳು ಭಾಷೆಡ್ ಎಡ್ಡೆ  ಕಾದಂಬರಿಲು ಪ್ರಕಟ ಆವೊಡ್ ಪನ್ಪೀನ ಆಶಯಡ್ ತುಳು ಚಳುವಳಿಗ್ ಚಾಲನೆ ಕೊರಿನ ತುಳುತ್ತ  ಸುರುತ್ತ  ಕಾದಂಬರಿಕಾರ ಶ್ರೀ ಎಸ್ ಯು ಪಣಿಯಾಡಿ ಮೆರೆನ ಸಾಧನೆನ್  ನೆನಪುಡ್ ದೀಪಿನ ಸದುದ್ದೇಶಡ್  ಕರಿನ  30 ವರ್ಷಡಿಂಚಿ ತುಳುಕೂಟ (ರಿ) ಉಡುಪಿದ ವತಿಡ್ದ್  ಪಣಿಯಾಡಿ ಪ್ರಶಸ್ತಿ ಕೊರೊಂದುಲ್ಲೆರ್.

ಈ ಸಲ ತೀರ್ಪುಗಾರೆರಾದ್ ಶ್ರೀ ನಿತ್ಯಾನಂದ ಪಡ್ರೆ, ಶ್ರೀಮತಿ ಸುಲೋಚನಾ ಪಚ್ಚಿನಡ್ಕ ಬೊಕ್ಕ ಶ್ರೀ ಪುತ್ತಿಗೆ ಪದ್ಮನಾಭ ರೈ ಸಹಕಾರ ಮಲ್ತೆರು .
. ಈ ಸರ್ತಿದ  ಪಣಿಯಾಡಿ ಪುರಸ್ಕಾರಗ್  ಆಯ್ಕೆಯಾಯಿನ ಬರಹಗಾರ್ತಿ ಶ್ರೀಮತಿ ಶಾರದಾ ಮೇರು ಮೂಲತಃ ಉಡುಪಿ ಜಿಲ್ಲೆದ ಕೊಡವೂರುದಾರು . ಸಾಹಿತ್ಯ ವಲಯಡ್ ಚಿರಪರಿಚಿತೆರು . Bsc  ಬೊಕ್ಕ ಡಿಪ್ಲೋಮ ಇನ್ ಮೆಡಿಕಲ್ ಲ್ಯಾಬೋರೇಟರಿ ಟೆಕ್ನಾಲಜಿ ವ್ಯಾಸಂಗ ಮಲ್ದಿನ  ಮೇರು ನವೀ ಮುಂಬಯಿದ  ಎಂ. ಜಿ. ಎಂ. ಮೆಡಿಕಲ್ ಕಾಲೇಜಿಡ್  ರಕ್ತ ನಿಧಿ ತಂತ್ರಜ್ಞೆ ಯಾದ್  ಕೆಲಸ ಮಲ್ತೊಂದುಲ್ಲೆರ್ . ತುಳು ಬೊಕ್ಕ  ಕನ್ನಡಡ್  18 ಕೃತಿಕುಲು ಇದಮುಟ್ಟ  ಪ್ರಕಟ ಆದಿತ್ತುದ್ ಕೆಲವು ಪ್ರತಿಷ್ಠಿತ ಪುರಸ್ಕಾರೊಲು ಮೆರೆನ ಮಡಿಲು ಸೇರ್ದುಂಡ್..
ಪಣಿಯಾಡಿ ಪ್ರಶಸ್ತಿ ಪ್ರದಾನ ಸಮಾರಂಭ ಆಗಸ್ಟ್ ತಿಂಗಳುಡ್  ನಡಪರೆಗುಂಡ್ ಪಂಡುದು ಉಡುಪಿ ತುಳು ಕೂಟದ ಅಧ್ಯಕ್ಷ ಶ್ರೀ ಇಂದ್ರಾಳಿ ಜಯಕರ ಶೆಟ್ಟಿ ಬೊಕ್ಕ  ಕಾರ್ಯದರ್ಶಿ ಶ್ರೀ ಗಂಗಾಧರ್ ಕಿದಿಯೂರ್ ಬೊಕ್ಕ  ಪಣಿಯಾಡಿ ಪ್ರಶಸ್ತಿದ ಸಂಚಾಲಕಿ ಶ್ರೀಮತಿ ಶಿಲ್ಪಾ ಜೋಶಿ ತೆರಿಪಾದೆರ್ .