ಸಿರಿ ಲಚ್ಚಿಮಿ ಸುಗಿಪು

ಸಿರಿ ಲಚ್ಚಿಮಿ ಸುಗಿಪು
~~~~~
ಗುಂಡ ಸುದ್ಧ ಮಲ್ತ್ ದೀತ,
ಬಾಕಿಲ್‌ನ್ ದೆತ್ತ್‌ದೀತ
ಬತ್ತ್‌ದೀರ್ ಒಕ್ಕೆಲಾಲೆ ಸಿರಿ ಲಚಿಮಿಯೇ
ಕಜವು ಕಲ್ಮಸಡಿತ್‌ದಾಂಡ್
ಕೈಪೆ ಕನೆರ್ ಅಳಿತ್‌ದಾಂಡ್
ಉಡಲ್‌ದುಲಾಯಿ ಬೇಗ ಬಲೆ ತುಡರ್ ದೀತಯೆ

ಕಡಲ ತುಲಿಪುಡುದಿತಿನಾರ್
ಬದ್ಕ್ ಭಾಗ್ಯೊ ಸಿರಿಯೇ ಈರ್
ಭಗ್ತಿಗೊಲಿದ್ ಒದಗುನಾರ್ ಈರೆ ಅತ್ತಯೇ
ಪುಡೆಮಿ ದಿಂಜಿ ಪೊಲಿಯೇ ಈರ್
ಪಣವು ಪದ್ದೈ ಧನಿಯೇ ಈರ್
ಲಚಿಮಿದಾಂತೆ ಬದ್‌ಕ್ ಸಾದಿ ಬೇತೆ ಉಂಡಯೇ?

ಎಣ್ಮ ಬಗೆದ ರೂಪೊಡೀರ್
ಮೇಲ್ಮೆ ಪಡೆದ್ ಮರೆಪುನಾರ್
ಎಣ್ಮೆದಾತ್ ಗೇನ ದಿಟ್ಟಿ ಇಂಚಿ ದೀಲೆಯೇ
ಸಿರಿ ನಾರಾಯಣ ದೇಬೆರೆನ
ದತ್ತ ಮೈಟ್ ಉಂತಿನಾರ್
ಬೇಗ ಬತ್ತ್‌ದೆಂಕ್ಲೆ ಬಾಳ್‌ಗ್ ಬೊಲ್ಪು ಆಲೆಯೇ

ವಿಶ್ವನಾಥ ಕುಲಾಲ್ ಮಿತ್ತೂರು
ತುಲುವೆರೆ ಕಲ