ತುಳು ಭಾವಗೀತೆ ಪಂತೊ

ತುಳುಕೂಟ ಉಡುಪಿದ ವತಿಡ್ದ್ ನವೆಂಬರ್ 30 ತಾರೀಕುಗ್ ತುಳು ಭಾವಗೀತೆ ಪಂತೊ ಉಡುಪಿದ ಕ್ರಿಶ್ಚಿಯನ್ ಹೈಸ್ಕೂಲ್ ಡ್ ನಡತುಂಡ್.ಮಸ್ತ್ ಜನ ಶಾಲೆ ಜೋಕುಲು ಬೊಕ್ಕ ಸಾರ್ವಜನಿಕೆರ್ ಭಾವಗೀತೆ ಪಂತೊಡ್ ಪಾಲ್ ಪಡೆಯೆರ್.ಲಯನ್  ಹರಿಪ್ರಸಾದ್ ರೈ ಬೊಕ್ಕ ಕನ್ನಡ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರಾಯಿನ ಪೂರ್ಣಿಮಾ ಮೊಕುಲು ಕಜ್ಜೊದ ಉದಿಪನ ಮಲ್ತೆರ್.ತುಳುಕೂಟದ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಗುರ್ಕಾರ್ಮೆಡಿತ್ತೆರ್. ಮಾನಾದಿಗೆದ ಗುರ್ಕಾರೆರಾಯಿನ ಡಾ.ಭಾಸ್ಕರಾನಂದ ಕುಮಾರ್ , ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು,ಪಣವುದ ಪಾಲವೆರಾಯಿನ ಚೈತನ್ಯ ಎಮ್.ಜಿ.,ಸಂಚಾಲಕೆರಾಯಿನ ಜಯರಾಂ ಶೆಟ್ಟಿಗಾರ್ ,ಉಪಸ್ಥಿತರಿತ್ತೆರು.

ಕಜ್ಜೊಡ್ ಎದೆ ತುಂಬಿ ಹಾಡುವೆನು ಸೋಡುಪಾಡುಡ್ ಗೆಂದಿನ  ಆಕಾಶವಾಣಿ A Top ಗ್ರೇಡ್ ಕಲಾವಿದೆರ್ ಶ್ರೀಮತಿ ಸಂಗೀತಾ ಬಾಲಚಂದ್ರ  ಮೆರೆಗ್ ಬೊಕ್ಕ.  ಕರಿನ ಕೆಲವ್ ವರ್ಷಡಿಂಚಿ ತುಳು ಭಾವಗೀತೆ ದ ಸಂಚಾಲಕೆರಾದ್ ಸೇವೆ ಮಲ್ದಿನ ಸಂಚಾಲಕೆರೆಗ್ ತುಳುಕೂಟದ ವತಿಡ್ದ್ ಮಾನಾದಿಗೆ ಮಲ್ತೆರ್. ಅಂಚೆನೇ ಬಾಲನಟಿ ವೈಷ್ಣವಿ ವಿಶ್ವನಾಥ್,ಬಾಲನಟೆ ಯಶಸ್ ಪಿ.ಸುವರ್ಣ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್.

ಭಾವಗೀತೆ ಪಂತೊದ ಮುಗಿತಲದ ಲೇಸ್ ಡ್ ಮಾಹೆ ರೇಡಿಯೋ ಮಣಿಪಾಲದ ಸಹಾಯಕ ಪ್ರಾಧ್ಯಾಪಕೆರಾಯಿನ ಡಾ. ರಶ್ಮಿ ಅಮ್ಮೆಂಬಳ,ತುಳುಕೂಟದ ಒತ್ತು ಗುರ್ಕಾರೆರಾಯಿನ ಭುವನ ಪ್ರಸಾದ್ ಹೆಗ್ಡೆ, ಶ್ರೀ ದಿವಾಕರ ಸನಿಲ್ , ಶೋಭಾ ಶೆಟ್ಟಿ,ಕ್ರಿಶ್ಚಿಯನ್ ಹೈಸ್ಕೂಲ್ ದ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಹೆಲೆನ್ ವಿ.ಸಲಿನ್ಸ್ , ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಪದುಕೆರಾಯಿನ ರಘು ಇಡ್ಕಿದು, ಉದ್ಯಮಿ ಶ್ರೀ ದೀಪಕ್ ದಿವಾಕರ್ ಕಿಣಿ ಮಣಿಪಾಲ,ವಿದ್ಯಾ ಸರಸ್ವತಿ ಇತ್ತೆರ್.ಭಾವಗೀತೆಡ್ ಇನಾಮು ಗೆಂದಿನ ಜೋಕ್ಲೆಗ್ ಇನಾಮು ಪಟ್ಟಿಯೆರ್.