ವಿಷ್ಣುಮೂರ್ತಿ ಫ್ರೆಂಡ್ಸ್.

ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ವಿಷ್ಣುಮೂರ್ತಿ ಫ್ರೆಂಡ್ಸ್ (ರಿ) ದೊಡ್ಡಣಗುಡ್ಡೆ ಬೊಕ್ಕ ವಿಷ್ಣುಮೂರ್ತಿ ಮಹಿಳಾ ಸಂಘದ ವತಿಡ್ದ್  12-04-25 ಗ್  ಶನಿವಾರ ಬಯ್ಯಗ್  5 ಗಂಟೆಡ್ದ್  ಸಾರ್ವಜನಿಕ ಆಟದ ಮೈದಾನ ದೊಡ್ಡಣಗುಡ್ಡೆಡ್  ಸಂಘದ 19 ನೇ ವರ್ಷದ ವಾರ್ಷಿಕೋತ್ಸವ ಬೊಕ್ಕ “ಫ್ರೆಂಡ್ಸ್ ಯುವ ಸಂಗಮ 2025” ಕಾರ್ಯಕ್ರಮ ನಡಪರೆಗುಂಡ್.

ಕರಿನ  19 ವರ್ಷಡಿಂಚಿ ಸಾಮಾಜಿಕ, ಧಾರ್ಮಿಕ, ಶೈಕ್ಷಣಿವಾದ್  ಕೆಲವಾರು ಕಾರ್ಯಕ್ರಮಲೆನ್  ಆಯೋಜನೆ ಮಲ್ತೊಂದಿತ್ತುದ್ , ಅಸಹಾಯಕೆರೆಗ್  ಸಹಾಯ ಹಸ್ತ ಕೊರೊಂದು, ಸಂಘದ ಪ್ರತೀ ಸದಸ್ಯೆರು ಬೊಕ್ಕ ಮಹನೀಯೆರೆನ  ನೆರವುದೊಟ್ಟುಗ್  ರಕ್ತದಾನ ಶಿಬಿರೊನ್ ನಡಪಾವೊಂದ್, ಪ್ರತಿಯೊಂಜಿ ಸಂಘ – ಸಂಸ್ಥೆಗುಲಾ ಮಾದರಿಯಾದುಂಡ್.

ಏಪ್ರಿಲ್ 12  ಶನಿವಾರ ನಡಪುನ “ಫ್ರೆಂಡ್ಸ್ ಯುವ ಸಂಗಮ 2025” ರ ಕಾರ್ಯಕ್ರಮದ ಅಂಗವಾದ್  ಕಾಂಡೆ 7 ಗಂಟೆಗ್ ಸಂಘದ ಕಚೇರಿಡ್  ಗಣಹೋಮ, ಕಾಂಡೆ 8ಗಂಟೆಡ್ದ್  ಮದ್ಯಾಹ್ನ 2ಗಂಟೆಮುಟ ಮಣಿಪಾಲ ಕೆಎಂಸಿ ಆಸ್ಪತ್ರೆಡ್  ಬ್ರಹತ್ ರಕ್ತದಾನ ಶಿಬಿರ, ಬಯ್ಯಗ್  5 ಗಂಟೆಗ್ ಸಂಘದ ವಠಾರದ ದೊಡ್ಡಣಗುಡ್ಡೆಸಾರ್ವಜನಿಕ ಮೈದಾನಡ್  ಸತ್ಯ ನಾರಾಯಣ ಪೂಜೆ ನಡಪರೆಗುಂಡ್.ಬಯ್ಯಗ್
6 ಗಂಟೆಗ್ ಸಭಾಕಾರ್ಯಕ್ರಮ ಬೊಕ್ಕ ಸಾಂಸ್ಕೃತಿಕ ನೃತ್ಯ ವೈವಿದ್ಯ ಕಾರ್ಯಕ್ರಮೊಲು ನಡಪರೆಗುಂಡ್. ಬೊಕ್ಕ ಪಿಂಗಾರ ಕಲಾವಿದೆರು ಬೆದ್ರ ಮೊಕ್ಲೆಡ್ದ್  ತುಳು ಹಾಸ್ಯಮಯ ನಾಟಕ “ಕದಂಬ” ನಡಪರೆಗುಂಡ್ ಪಂಡುದು ಸಂಘದ ಪ್ರಕಟಣೆಡ್ ತೆರಿಪಾದುಂಡ್

ಈ  ಕಾರ್ಯಕ್ರಮ  tulunadadwani ಚಾನೆಲ್ ಬೊಕ್ಕ vishnumurthi friends ಯುಟ್ಯೂಬ್ ಚಾನೆಲ್ ಡ್ ನೇರಪ್ರಸಾರ ಆಪುಂಡ್..