ಯಶೋಮಾಧ್ಯಮ ಪ್ರಶಸ್ತಿ

ಕನ್ನಡ ಮಾಧ್ಯಮಡ್  ಓದಿನಕುಲು ಸರ್ವಾಂತರ್ಯಾಮಿಲಾತೆರ್- ಡಾ.ಅಶೋಕ್

ಉಡುಪಿ: ಕನ್ನಡ ಮಾಧ್ಯಮಡ್ ಓದುನಕುಲು ಕನ್ನಡ ಮಾಧ್ಯಮದಕುಲು  ಪನರೆಗ್ ಒವ್ವೇ ನಾಚಿಕೆ  ಬೊಡ್ಚಿ. ಕನ್ನಡ ಮಾಧ್ಯಮಡ್  ಓದಿನಕುಲು ಇನಿ ಸರ್ವಾಂತರ್ಯಾಮಿ ಯಾತೆರ್  ಪಂಡುದು
ಉಡುಪಿ ಜಿಲ್ಲಾ ಶಸ್ತ್ರ ಚಿಕಿತ್ಸಕೆರಾಯಿನಡಾ.ಅಶೋಕ್ ಮೇರು ಪಂಡೆರು.
ಕಲ್ಯಾಣಪುರದ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆದ ಜೋಕ್ಲೆಗ್  ಉಚಿತ ನೋಟ್ ಪುಸ್ತಕ ವಿತರಣೆ ಬೊಕ್ಕ ಯಶೋ ಮಾಧ್ಯಮ 2024 ಪ್ರಶಸ್ತಿ ಪ್ರಧಾನ ಸಮಾರಂಭದ ಅಧ್ಯಕ್ಷತೆಡಿತ್ತಿನ ಆರು ಪಾತೆರಿಯೆರು. ರಾಜ್ಯದ, ದೇಶದ ಮಾತ್ರ ಅತ್ತಾವಂದೆ  ಪರ ದೇಶೊಡುಲಾ ಉನ್ನತ ಹುದ್ದೆಲೆಡ್ ಕನ್ನಡ ಮಾಧ್ಯಮಡ್  ಓದಿನಕುಲು ಕೆಲಸ ಮಲ್ತೊಂದುಲ್ಲೆರ್.

116 ವರ್ಷ  ಇತಿಹಾಸ ಉಪ್ಪುನ  ಈ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆಡ್  ಕೆಲಸ ಮಲ್ತೊಂದುಪ್ಪುನ ಶಿಕ್ಷಕೆರು ಬೊಕ್ಕ ವಿದ್ಯಾರ್ಥಿಲು  ತುಂಬಾ ಪುಣ್ಯವಂತೆರಾದುಲ್ಲೆರ್. ಶಿಕ್ಷಕೆರು ಏತ್ ಪೊರ್ತು ಕೆಲಸ ಮಲ್ದೆರ್ ಪನ್ಪಿನ  ಮುಖ್ಯ ಅತ್ತ್, ಏತ್  ಪೊರ್ತು  ಗುಣಮಟ್ಟದ ಕೆಲಸ ಮಲ್ದೆರ್ ಪನ್ಪಿನ ಮುಖ್ಯವಾದುಂಡ್.

ಎಡ್ಡೆ  ಸಮಾಜ ನಿರ್ಮಾಣ ಬೊಕ್ಕ  ಭವ್ಯ ಭಾರತನ್ ನಿರ್ಮಾಣ ಮಲ್ಪುನ ಕೆಲಸ ಪೋಷಕೆರೆಡ್ದುಲಾ ಹೆಚ್ಚ ಶಿಕ್ಷಕೆರೆನ  ಜವಾಬ್ದಾರಿಯಾದುಂಡ್. ಒವ್ವೇ ಕೆಲಸ ಮಲ್ಪನಗ ಕ್ವಾಲಿಟಿ ಕೆಲಸ ಮಲ್ಪುಲೆ, ರೈತೆರ್ ಬೆಂದಿನ  ನುಪ್ಪು ತಿನ್ಪುನ  ನಮ ರೈತೆರೆನ  ಏಳಿಗೆಗಾದ್  ಕೆಲಸ ಮಲ್ಪೊಡ್ . ಅಂಚೆನೇ 116 ವರ್ಷಗಳ ಇತಿಹಾಸದ ಈ ಹಿಂದೂ ಹಿರಿಯ ಪ್ರಾಥಮಿಕ ಶಾಲೆ ದುಂಬುದ ದಿನಕ್ಲೆಡ್ ಎಡ್ಡೆ  ಮಾದರಿ ಪ್ರಾಥಮಿಕ ಶಾಲೆಯಾವಡ್  ಪಂಡುದು ಹಾರೈಸಿಯೆರು. ಅಂಚೆನೇ  ಸ್ಪಂದನ ಸೇವಾ ಸಂಸ್ಥೆದ ಈ ಸಮಾಜಮುಖಿ ಕೆಲಸೊನ್  ಶ್ಲಾಘನೆ ಮಲ್ತೆರು.

ಹಿರಿಯ ಪತ್ರಕರ್ತರಾಯಿನ  ಜನಾರ್ಧನ್ ಕೊಡವೂರು  ಪಾತೆರ್ದ್  ಸ್ಪಂದನ ಸೇವಾ ಸಂಸ್ಥೆ  ಈ ಶಾಲೆಗ್  ಪ್ರತಿ ವರ್ಷ ನೋಟ್ ಪುಸ್ತಕಲೆನ್ ಉಚಿತವಾದ್ ಕೊರೊಂದುಂಡ್ . ಅಯಿತ್ತ ಒಟ್ಟುಗ್ ಅಧ್ಯಕ್ಷೆರಾಯಿನ ವೆಂಕಟೇಶ್ ಪೈ ಆರು ಸ್ವತಃ ಪತ್ರಕರ್ತರಾಯಿನೆಡ್ದಾವರ ಉಡುಪಿ ಜಿಲ್ಲೆದ  ಒಂಜಿ  ಪತ್ರಕರ್ತೆರೆನ್  ಗುರುತಿಸಾದ್ ಯಶೋ ಮಾಧ್ಯಮ ಪ್ರಶಸ್ತಿನ್  ಕೊರ್ದ್  ಗೌರವ ಮಲ್ತೊಂದುಲ್ಲೆರ್. ಅಂಚಾದ್  ಈ ಸರ್ತಿ ಜಿಲ್ಲಾ ಪತ್ರಕರ್ತೆರ ಸಂಘದ ಅಧ್ಯಕ್ಷೆರಾಯಿನ  ರಾಜೇಶ್ ಶೆಟ್ಟಿ ಅರೆನ್  ಆಯ್ಕೆ ಮಲ್ತುದ್ ಅರೆಗ್ ಯಶೋಮಾಧ್ಯಮ 2024 ಪ್ರಶಸ್ತಿ ಕೊರ್ದ್  ಮಾನಾದಿಗೆ ಮಲ್ತೊಂದುಂಡ್ ಪಂಡೆರ್.

ಸ್ಪಂದನಾ ಸೇವಾ ಸಂಸ್ಥೆದ  ಪದಾಧಿಕಾರಿಲೆಡ್  ಅಧ್ಯಕ್ಷ ವೆಂಕಟೇಶ್ ಪೈ, ಕಾರ್ಯದರ್ಶಿ ಸಂತೋಷ್ ಕಾಮತ್, ಖಜಾಂಚಿ ರಜನಿ. ವಿ.ಪೈ, ಸಹ ಕಾರ್ಯದರ್ಶಿಲಾಯಿನ ಶಿವಾನಂದ ಕಾಮತ್ ನಾಲ್ ಜನಲಾ  ಉಂದುವೇ ಶಾಲೆಡ್  ಓದಿನಕುಲು. ಅಕುಲು  ಕಲ್ತಿನ ಈ ಶಾಲೆಗ್  ಪ್ರತಿ ವರ್ಷ ಉಚಿತವಾದ್  ನೋಟ್ ಪುಸ್ತಕ ಕೊರೊಂದುಪ್ಪುನವ್  ಸಮಾಜಮುಖಿ ಕೆಲಸವಾದುಂಡ್. ದುಂಬುದ  ದಿನಕ್ಲೆಡ್ ಈ ಸಂಸ್ಥೆ  ನನಲಾ  ಎಡ್ಡೆ  ಕೆಲಸ ಮಲ್ಪಡ್  ಪಂಡುದು ಹಾರೈಸಿಯೆರು.

ಯಶೋ ಮಾಧ್ಯಮ 2024 ಪ್ರಶಸ್ತಿ ಪುರಸ್ಕೃತೆರಾಯಿನ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರಾಯಿನ  ರಾಜೇಶ್ ಶೆಟ್ಟಿ ಪಾತೆರ್ದ್  ಪ್ರಶಸ್ತಿಗ್ ಆಯ್ಕೆ ಮಲ್ತುದ್ ಜವಾಬ್ಧಾರಿನ್ ಕುಡಲಾ ಜಾಸ್ತಿ  ಮಲ್ದೆರ್ ಪಂಡೆರ್.

ಮಣಿಪಾಲ ಕಾಲೇಜು ಆಫ್ ನರ್ಸಿಂಗ್ ದ  ಸಹಾಯಕ ಪ್ರಾಧ್ಯಾಪಕೆರಾಯಿನ ಡಾ. ಮರಿಯಾ ಪಾಯಸ್  ಪಾತೆರ್ದ್  ಸ್ಪಂದನ ಸೇವಾ ಸಂಸ್ಥೆ ಎಡ್ಡೆ  ಸಮಾಜಮುಖಿ ಸೇವೆನ್  ಮಲ್ತೊಂದುಂಡ್ ಪಂಡುದು ಹಾರೈಸಿಯೆರು.

ಸ್ಪಂದನ ಸೇವಾ ಸಂಸ್ಥೆದ ಅಧ್ಯಕ್ಷೆ ವೆಂಕಟೇಶ್ ಪೈ, ಖಜಾಂಚಿಲಾಯಿನ  ರಜನಿ.ವಿ. ಪೈ  ಸಂಸ್ಥೆದ  ಕಾರ್ಯ ಯೋಜನೆದ  ಬಗೆಟ್  ತೆರಿಪಾಯೆರು.

ಈ ಸಂದರ್ಭ ಡ್  ಶಾಲಾ ಆಡಳಿತ ಮಂಡಳಿದ  ಪ್ರಕಾಶ್ ಶೆಟ್ಟಿ, ಡಾ. ಶೇಷಪ್ಪ ರೈ, ಮುಖ್ಯೋಪಾಧ್ಯಾಯೆರಾಯಿನ ಸಂತೋಷ ಶೆಟ್ಟಿ, ಸ್ಪಂದನಾ ಸೇವಾ ಸಂಸ್ಥೆದ ಕಾರ್ಯದರ್ಶಿ ಸಂತೋಷ್ ಕಾಮತ್ ಬೊಕ್ಕ ಶಾಲೆದ ಶಿಕ್ಷಕ ವೃಂದದಕುಲು ವಿದ್ಯಾರ್ಥಿಲು  ಪೋಷಕೆರು ಬೊಕ್ಕ ಸ್ಥಳೀಯೆರು ಉಪಸ್ಥಿತರಿತ್ತೆರು.