ಸನ್ಮತಿ ಪತ್ರಿಕೆ ಬುಡುಗಡೆ

*ಉಡುಪಿ: ಸನ್ಮತಿ ಪತ್ರಿಕೆ ಸಂಚಿಕೆ ಬುಡುಗಡೆ- ಸಂವಾದ ಕಾರ್ಯಕ್ರಮ*

ಉಡುಪಿ: ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಆಶ್ರಯಡ್  ಉಡುಪಿ ಪತ್ರಿಕಾ ಭವನ ಸಮಿತಿದ ಸಹಯೋಗ ದೊಟ್ಟುಗ್  ತಿಂಗಳ ಅಂಗಳ ಸಂವಾದ ಕಾರ್ಯಕ್ರಮ ಬೊಕ್ಕ ಸನ್ಮತಿ ಪತ್ರಿಕೆದ ಮೇ ತಿಂಗೊಲ್ದ  ಸಂಚಿಕೆ ಬುಡುಗಡೆ ಕಾರ್ಯಕ್ರಮ ಶುಕ್ರವಾರ ಉಡುಪಿ ಪತ್ರಿಕಾ ಭವನಡ್  ನಡತುಂಡ್.

ಪತ್ರಿಕೆನ್  ಉಡುಪಿ ಅಂತರ್ಜಲ ನಿರ್ದೇಶನಾಲಯದ ಹಿರಿಯ ಭೂ ವಿಜ್ಞಾನಿ ಡಾ.ದಿನಕರ ಶೆಟ್ಟಿ ಪಾತೆರ್ದ್ , ಪತ್ರಕರ್ತೆರು ಪತ್ರಿಕಾ ಭವನದ ಅಂಗಣಡ್  ದೈಕುಲೆನ್  ನಡ್ಪಿನ ಮೂಲಕ ಅಂತರ್ಜಲ ಮರುಪೂರಣಗ್  ಹೆಚ್ಚಿಗೆ ಒತ್ತು ಕೊರೊಂದುಲ್ಲೆರ್.. ಅಂಚೆನೇ ಸನ್ಮತಿ ಪತ್ರಿಕೆದ  ಮೂಲಕ ಪತ್ರಕರ್ತೆರೆನ  ಚಟುವಟಿಕೆಲೆನ್ ಪ್ರತಿಯೊರಿಗುಲಾ  ತೆರಿಪಾವುನ ಕಾರ್ಯೊನ್    ಮಲ್ತೊಂದುಂಡ್.. ಪತ್ರಕರ್ತೆರು ಓದುಗ್  ಒತ್ತು ಕೊರ್ದು ತನ್ನ  ಗೇನೊನ್  ಸಂಪಾದನೆ ಮಲ್ಪೊಡ್.. ಅಂಚೆನೇ  ಪರಿಸರಗ್  ನನಲಾತ್  ಹೆಚ್ಚಿಗೆ ಕೊಡುಗೆ ಕೊರೊಡ್ ಪಂಡೆರು.

ಅಧ್ಯಕ್ಷತೆಡ್  ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಸುಬ್ರಹ್ಮಣ್ಯ ಜಿ.ಕುರ್ಯ ಇತ್ತೆರು. ಉಡುಪಿ ಪತ್ರಿಕಾ ಭವನ ಸಮಿತಿಧ ಸಂಚಾಲಕ ಅಂಕಿತ್ ಶೆಟ್ಟಿ ಉಪಸ್ಥಿತರಿತ್ತೆರು.

ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಎದ್ಕೊಂಡೆರು. ಕಾರ್ಯದರ್ಶಿ ಉಮೇಶ್ ಮಾರ್ಪಳ್ಳಿ  ಸೊಲ್ಮೆ ಸಂದಾಯ್ತ ಮಲ್ತೆರು. ಪತ್ರಕರ್ತ ರಹೀಂ ಉಜಿರೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು.