ಮಾದಕ ವಸ್ತುಲೆನ ವಿರೋಧಿ ದಿನಾಚರಣೆ.

ವಿದ್ಯಾರ್ಥಿ ವ್ಯವಹಾರಲೆನ  ವಿಭಾಗ .ಮಣಿಪಾಲ ವಿಶ್ವ ವಿದ್ಯಾಲಯ . ಮಣಿಪಾಲ ಬೊಕ್ಕ ಮಣಿಪಾಲ ಪೋಲಿಸ್ ದಕ್ಲೆನ  ಸಹಯೋಗಡ್ ಅಂತಾರಾಷ್ಟ್ರೀಯ ಮಾದಕ ವಸ್ತುಲೆನ  ವಿರೋಧಿ ದಿನಾಚರಣೆ ನ್  ಅಂತರಾಷ್ಟ್ರೀಯ ಮಾದಕ ವಸ್ತುಲೆನ  ವಿರೋಧಿ ದಿನಾಚರಣೆದ  ದಿನ ಜೂನ್ 26ಗ್  ಆಚರಣೆ ಮಲ್ತುಂಡ್.

ಮಣಿಪಾಲದ ವಿಶ್ವವಿದ್ಯಾಲಯದ ಭದ್ರತಾ ಅಧಿಕಾರಿ ಕರ್ನಲ್ ವಿಜಯ್ ರೆಡ್ಡಿ  ಕಾರ್ಯಕ್ರಮದ ಮುಖ್ಯ ಅತಿಥಿಯಾದಿತ್ತೆರು. ಮೇರು ಮಾದಕ ವಸ್ತುಲೆಡ್ದ್  ಆಪಿನ ಅನಾಹುತದ  ಬಗೆಟ್  ತೆರಿಪಾಯೆರು. ಶ್ರೀ ದೇವರಾಜ್ ಟಿವಿ ಪೊಲೀಸ್ ಇನ್ಸ್ಪೆಕ್ಟರ್ ಮಣಿಪಾಲ್ ಮೇರು ಕಾರ್ಯಕ್ರಮದ ಸಂಪನ್ಮೂಲ ವ್ಯಕ್ತಿಯಾದಿತ್ತೆರು. ಮೇರು ವಿದ್ಯಾರ್ಥಿಲೆಗ್  ಮಾದಕ ವ್ಯಸನ. ಮಾದಕ ದ್ರವ್ಯಲು ಬೊಕ್ಕ  ಅಯಿತ್ತ  ದುರುಪಯೋಗ ಬೊಕ್ಕ  ಸಂಬಂಧಪಟ್ಟಿನ ಕಾನೂನುದ ಬಗೆಟ್  ಉದಾಹರಣೆ ಕೊರ್ದ್  ಸವಿಸ್ತಾರವಾಯಿನ  ಮಾಹಿತಿನ್  ಕೊರಿಯೆರು. ಡಾಕ್ಟರ್ ಗೀತಾಮಯ್ಯ. ನಿರ್ದೇಶಕೆರು ವಿದ್ಯಾರ್ಥಿ ವ್ಯವಹಾರಲೆನ  ವಿಭಾಗ ಮಾಹೆ , ಮಾತೆರೆನ್ ಸ್ವಾಗತ ಮಲ್ತುದ್  ಇಂಚಿನ  ಕಾರ್ಯಕ್ರಮದ ಮಹತ್ವನ್  ಬೊಕ್ಕ ತಮ್ಮ ವಿಭಾಗಡ್ದ್  ನಡಪುನ  ಕಾರ್ಯಕ್ರಮದ ಬಗ್ಗೆ ತೆರಿಪಾಯೆರು. ಡಾಕ್ಟರ್ ಅರವಿಂದ್ ಪಾಂಡೆ ಉಪ ನಿರ್ದೇಶಕೆರು ವಿದ್ಯಾರ್ಥಿ ವ್ಯವಹಾರದ  ವಿಭಾಗ ಮಾಹೆ ಮೇರು ವಂದನಾರ್ಪಣೆ ಮಲ್ತೆರು ಶ್ರೀಮತಿ ಶಿಲ್ಪಾ ಜೋಶಿ ವಿದ್ಯಾರ್ಥಿಲೆನ  ಆಪ್ತ ಸಮಾಲೋಚಕೆರು ಮಾಹೆ ಕಾರ್ಯಕ್ರಮದ  ನಿರೂಪಣೆ ಮಲ್ತೆರು. ಸುಮಾರು 90ಗುಲಾ ಜಾಸ್ತಿ  ವಿದ್ಯಾರ್ಥಿಲು ಕಾರ್ಯಕ್ರಮದ  ಲಾಭ  ಪಡೆತೊಂಡೆರು.