ಪಂಚಮಿ ಟ್ರಸ್ಟ್ ಬೊಳ್ಳಿಪರ್ಬ.

ಮನುಷ್ಯೆ  ಪ್ರಕೃತಿಗ್ ಪೂರಕವಾದ್ ಉಪ್ಪಂದಿನ ಕಾರಣ ಅನಾರೋಗ್ಯಲು ಬರ್ಪುಂಡ್.~ ಶ್ರೀ ವಿದ್ಯಾ ಪ್ರಸನ್ನ ತೀರ್ಥ ಸ್ವಾಮೀಜಿ

ಉಡುಪಿ: ಮನುಷ್ಯನ ಬದುಕು ಅಮೂಲ್ಯ. ಆಂಡ ಜನ್ಮಾನಂತರ ಕರ್ಮ ಫಲವಾದ್ ಬದುಕುಡ್ ಕಷ್ಟ ಸುಖ ಪ್ರಾಪ್ತಿಯಾಪುಂಡ್.. ಅವ್ವೆನ್ ಮಾತಾ ದಾಂಟುದ್ ಸುಖಮಯ ಬದುಕುಗ್ ಪ್ರಯತ್ನ ನಿರಂತರವಾದುಪ್ಪೊಡ್  ಪಂಡುದು ಸುಬ್ರಮಣ್ಯ ಮಠದ ಶ್ರೀ ವಿದ್ಯಾ ಪ್ರಸನ್ನ ತೀರ್ಥ ಸ್ವಾಮೀಜಿ ಪಂಡೆರು.

ಆತ್ರಾಡಿ ಒಂತಿಬೇಟ್ಟುದ  ಮದಗಡ್  ಗಾಂಧಿ ಆಸ್ಪತ್ರೆದ ಪಂಚಮಿ ಟ್ರಸ್ಟ್ ರಜತ ಸಂಭ್ರಮಾಚಾರಣೆ ಉದಿಪನ ಮಲ್ತಿನ ಆರು ಪಾತೆರಿಯೆರು.

ಪ್ರಪಂಚಡ್  ಮನುಷ್ಯನ್ ಬುಡುದು ಒವ್ವೇ ಜೀವರಾಶಿಲು ಪ್ರಕೃತಿಗ್  ವಿರುದ್ಧವಾದಿಜ್ಜಿ.. ಅಂಚಾದ್ ಮನುಷ್ಯ ಪ್ರಕೃತಿಗ್ ಪೂರಕವಾದುಪ್ಪಂದಿನ  ಕಾರಣ ಅನಾರೋಗ್ಯಲು ಬಾಧಿಸಾವುಂಡ್.. ಮಾನಸಿಕ ಬೊಕ್ಕ ದೈಹಿಕ ಅಸ್ವಾಸ್ತ್ಯ ಅತಿಶಯ ದುರಾಸೆದ ಫಲ ಪಡೆತೊಂಬಿನ  ಭರಟ್ ಶಾಂತಿನ್  ಕಳೆಯೊಂದುಲ್ಲೆರ್.. ವೈದ್ಯೆರೆನ  ಸಹಾಯಡ್ ಬದುಕು ದೀರ್ಘ ಗೊಳಿಸಾವರೆಗ್  ಪ್ರಯತ್ನ ಸಾಗೊಂದುಂಡ್ ಪಂಡೆರು. ಆಸ್ಪತ್ರೆದ  ಆಡಳಿತ ನಿರ್ದೇಶಕ ಎಂ. ಹರೀಶ್ಚಂದ್ರ ಪ್ರಾಸ್ತವಿಕವಾದ್  ಪಾತೆರಿಯೆರು.

ಮುಖ್ಯ ಅತಿಥಿಲಾದ್  ವಿದ್ವಾನ್ ಕಬಿಯಾಡಿ ಜಯರಾಮ ಆಚಾರ್ಯ, ಶಾಸಕ ಯಶಪಾಲ ಸುವರ್ಣ, ಮನೋವೈದ್ಯೆರಾಯಿನ  ಡಾ. ಪಿ,. ವಿ. ಭಂಡಾರಿ, ಉದ್ಯಮಿ ಎನ್. ಅಚ್ಚುತ ಹೊಳ್ಳ, ಗಾಂಧಿ ಆಸ್ಪತ್ರೆದ  ವೈದ್ಯಕೀಯ ನಿರ್ದೇಶಕ ಡಾ. ವ್ಯಾಸರಾಜ ತಂತ್ರಿ, ಲಕ್ಷ್ಮೀ ಹರಿಶ್ಚಂದ್ರ, ಡಾ. ಪಂಚಮಿ, ಡಾ. ವಿದ್ಯಾ ತಂತ್ರಿ ಉಪಸ್ಥಿತರಿತ್ತೆರು.

ಶ್ವೇತಾ ತಂತ್ರಿ ಪ್ರಾರ್ಥನೆ ಮಲ್ತೆರು. ಪೂರ್ಣಿಮಾ ಜನಾರ್ದನ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು. ಈ ಸಂದರ್ಭಡ್  ಖ್ಯಾತ ಕೊಳಲುವಾದಕ ಗುರು ಬನ್ನಂಜೆ ರಾಘವೇಂದ್ರ ರಾವ್ ಬೊಕ್ಕ ರವಿ ಕುಳೂರ್ ಶಿಷ್ಯೆರಾಯಿನ  ಬಾಲ ಕಲಾವಿದೆರೆಡ್ದ್  ಕೊಳಲು ವಾದನ ನಡತುಂಡ್.. ಸಭಾ ಕಾರ್ಯ ಕ್ರಮಡ್ ಬೊಕ್ಕ ಪುಗಾರ್ತೆದ  ವಯೋಲಿನ್ ವಾದಕಿ ಗುರುವಾಯೂರುದ ಕುಮಾರಿ ಗಂಗಾ ಶಶಿಧರನ್ ನ  ಕಚೇರಿ ನಡತುಂಡ್..