ಪಣಿಯಾಡಿ ಪ್ರಶಸ್ತಿ ಗ್ ತುಳು ಬರವುಗಾರೆರೆಡ್ದ್ ಹಸ್ತಪ್ರತಿ ಗ್ ಲೆಪ್ಪು

ಪಣಿಯಾಡಿ ಪ್ರಶಸ್ತಿಗ್  ಬರವುದಕ್ಲೆಡ್ದ್  ತುಳು ಕಾದಂಬರಿ ಹಸ್ತಪ್ರತಿಗ್ ಲೆಪ್ಪು
ಉಡುಪಿ: ಉಡುಪಿ ತುಳುಕೂಟದ ಆಶ್ರಯಡ್  ನಡಪುನ ‘ಎಸ್.ಯು. ಪಣಿಯಾಡಿ ತುಳು ಕಾದಂಬರಿ ಪ್ರಶಸ್ತಿ’ ಆಯ್ಕೆಗಾಗದ್  ಬರಹಗಾರೆರೆಡ್ದ್  ತುಳು ಕಾದಂಬರಿಲೆನ ಹಸ್ತಪ್ರತಿಕುಲೆನ್  ಆಹ್ವಾನ ಮಲ್ದೆರ್.
ತುಳು ಚಳವಳಿದ  ಪ್ರವರ್ತಕರಾದಿತ್ತಿನ  ದಿ.ಎಸ್.ಯು.ಪಣಿಯಾಡಿ ಅರೆನ ನೆಂಪುಡ್ ಕೊರ್ಪಿನ ಈ ಪ್ರಶಸ್ತಿಗ್  ಇದಮುಟ್ಟ  ಒವ್ವೇ ಇನಾಮು ಗ್  ಆಯ್ಕೆಯಾವಂದಿನ ಬೊಕ್ಕ  ಅಚ್ಚಿ ಆವಂದಿನ ತುಳು ಕಾದಂಬರಿಲೆನ  ಹಸ್ತಪ್ರತಿಕುಲೆನ್  ಆಸಕ್ತ ಬರಹಗಾರೆರ್ ಕಡಪುಡೊಲಿ.. ಅನುವಾದಿತ ಕೃತಿಕುಲೆಗ್ ಅವಕಾಶ ಇಜ್ಜಿ.
ಕಾದಂಬರಿದ  ಹಸ್ತಪ್ರತಿ  ಪ್ರಶಸ್ತಿಗ್  ಆಯ್ಕೆಯಾಂಡ ಬರಹಗಾರೆರ್  ಡೆಮಿ ೧/೮ ಆಕಾರಡ್  ೧೨೦ ಪುಟಕ್ ಮೀರಂದಿನಂಚ ತುಳುಕೂಟದ ಮಾರ್ಗದರ್ಶನದಂಚ ಮುದ್ರಣ ಮಲ್ಪೊಲಿ. ಕಾದಂಬರಿ ತುಳುನಾಡುದ ಭೌಗೋಳಿಕ ಚಿತ್ರಣ, ತುಳುನಾಡ ಸಂಸ್ಕೃತಿನ್  ಬಿಂಬಿಸಾವುನ ಅಂಶಡ್ ಇತ್ತುದ್, ಪೌರಾಣಿಕ, ಐತಿಹಾಸಿಕ, ಜಾನಪದ, ಸಾಮಾಜಿಕ ವಸ್ತುಲೆನ್  ಆಧರಿತುದುಪ್ಪೊಲಿ.. ಕಾದಂಬರಿ ಪ್ರಶಸ್ತಿ  8ಸಾವಿರ ರೂ.  ಪಣವು ಬೊಕ್ಕ  ಪ್ರಶಸ್ತಿಪತ್ರ, ಫಲಕ ಉಪ್ಪುಂಡ್.  ಕಾದಂಬರಿ ಹಸ್ತಪ್ರತಿನ್  ಪ್ರಕಾಶ ಸುವರ್ಣ ಕಟಪಾಡಿ (ಪಣಿಯಾಡಿ ಕಾದಂಬರಿ ಸ್ಪರ್ಧೆ ಸಂಚಾಲಕರು) ಯಶಸ್, ಕೋಟೆ ಬೀಡಿನ ಬಳಿ ಕೋಟೆ ಗ್ರಾಮ ಕಟಪಾಡಿ ಅಂಚೆ, ಉಡುಪಿ ಜಿಲ್ಲೆ-೫೭೪೧೦೫  ಮೆರೆಗ್  ಏ.೩೦ತಾರೀಕುದುಲಾಯಿ ಕಡಪುಡೊಡು.. ಹೆಚ್ಚಿಗೆ ಮಾಹಿತಿಗ್ ಮೊಬೈಲ್: ೯೯೬೪೦೧೯೨೨೯ 9964019229 ಸಂಪರ್ಕ ಮಲ್ಪೊಲಿ  ಪಂಡುದು ಉಡುಪಿ ತುಳುಕೂಟದ ಅಧ್ಯಕ್ಷ ಬಿ.ಜಯಕರ್ ಶೆಟ್ಟಿ ಇಂದ್ರಾಳಿ, ಪ್ರಧಾನ ಕಾರ್ಯದರ್ಶಿ ಗಂಗಾಧರ್ ಕಿದಿಯೂರ್ ಪ್ರಕಟನೆಡ್  ತೆರಿಪಾದೆರ್.