“ವಿಶ್ವ ಅಂಗವಿಕಲರ ದಿನಾಚರಣೆದ ಪ್ರಯುಕ್ತ ದಿವ್ಯಾಂಗೆರೆಗ್ ಸಹಾಯ ಬೊಕ್ಕ ದಕ್ಷ ಪೋಲೀಸ್ ಅಧಿಕಾರಿಗ್ ಸನ್ಮಾನ ಕಾರ್ಯಕ್ರಮ”

ದಕ್ಷ ಪ್ರಾಮಾಣಿಕ ಅಧಿಕಾರಿಲೆನ್ ಮಾನಾದಿಗೆ ಕೊರೊಡ್, ಸುಸಂಸ್ಕೃತ ಸಮಾಜ ನಿರ್ಮಾಣ ಮಲ್ಪೊಡ್ – ವಿಜಯ್ ಕೊಡವೂರು.

“ವಿಶ್ವ ಅಂಗವಿಕಲರ ದಿನಾಚರಣೆದ ಪ್ರಯುಕ್ತ ದಿವ್ಯಾಂಗೆರೆಗ್ ಸಹಾಯ ಬೊಕ್ಕ ದಕ್ಷ ಪೋಲೀಸ್ ಅಧಿಕಾರಿಗ್ ಸನ್ಮಾನ ಕಾರ್ಯಕ್ರಮ”

04-12-2022 ಐತಾರದಾನಿ ವಿಶ್ವಅಂಗವಿಕಲರ ದಿನಾಚರಣೆ ಕಾರ್ಯಕ್ರಮನ್ “ಕೊಡವೂರು ದಿವ್ಯಾಂಗ ರಕ್ಷಣಾ ಸಮಿತಿ” “ಮಠದಬೆಟ್ಟು ಯುವಕ ಮಂಡಲ ಮಠದಬೆಟ್ಟು ಬೊಕ್ಕ “ಬೆಲ್—ಓ—ಸೀಲ್ ಮಜ್ಧೂರ್ ಸಂಘ ಸಂತೆಕಟ್ಟೆ” ಮೊಕ್ಲೆನ ಜಂಟಿ ಆಶ್ರಯಡ್ ಬ್ರಹ್ಮರ್ಷಿ ಶ್ರೀ ನಾರಾಯಣಗುರು ಮಂದಿರ ಬನ್ನಂಜೆ ಮುಲ್ಪ ವಿಶಿಷ್ಟವಾದ್ ಆಚರಣೆ ಮಲ್ತೆರ್.

ಈ ಸಂದರ್ಭಡ್ ಬೆರಿತ್ತಮೂಳೆ ಪೊಲ್ಲಿದ್ ಬೆನರೆಗ್ ಸಾಧ್ಯ ಆವಂದಿನ ಬಡವೆರೆಗ್, ಬೊಕ್ಕ ದುರ್ಬಲೆರು ಅಂಚೆನೇ ಅಶಕ್ತೆರೆನ್ ಗುರುತಿಸಾದ್, ಅಂಚಿನಕ್ಲೆಗ್ ಅರಿ ಬೊಕ್ಕಮರ್ದ್ ವಿತರಣೆ ಮಲ್ತೆರ್. ನೆತ್ತ ಒಟ್ಟುಗ್ ಸ್ವಂತ ಉದ್ಯೋಗಡ್ ಸ್ವಾವಲಂಬಿ ಬದುಕುನ್ ಕಟ್ಟೊಂದ್ ಸಹಾಯ ಮಲ್ಪುನ ನಿಟ್ಟುಡ್ ಅರ್ಹ ವ್ಯಕ್ತಿಲೆಗ್ ಬತ್ತಿಕಟ್ಟುನ ಯಂತ್ರ, ಪೊಲ್ಲುನ ಯಂತ್ರ, ಅಂಗವಿಕಲರೆಗ್ ಗಾಲಿ ಕುರ್ಚಿಲೆನ್ ದಾನಿಲೆನ ಸಹಕಾರಡ್ ಧರ್ಮಾರ್ಥವಾದ್ ವಿತರಣೆ ಮಲ್ತೆರ್.

ಕಾರ್ಯಕ್ರಮದ ನೇತೃತ್ವನ್ ಉಡುಪಿ ನಗರಸಭಾ ಸದಸ್ಯೆರಾಯಿನ ವಿಜಯ ಕೊಡವೂರು ಮೇರು ವಹಿಸಾದಿತ್ತೆರ್.. ಈ ಸಂದರ್ಭಡ್ ಉಡುಪಿಡ್ ಅತ್ಯುತ್ತಮವಾದ್ ಸೇವೆ ಸಲ್ಲಿಸಾವೊಂದುಪ್ಪುನ ದಕ್ಷ ಪೋಲೀಸ್ ವರಿಷ್ಠಾಧಿಕಾರಿ ಶ್ರೀಯುತ ಪ್ರಮೋದ್ ಕುಮಾರ್. ಪಿ. ಮೆರೆನ್ ಸನ್ಮಾನ ಮಲ್ತೆರ್. ಕಾರ್ಯಕ್ರಮಡ್ ಪಾತೆರಿನ ವಿಜಯ ಕೊಡವೂರು ಮೇರು, ಜನೋಪಯೋಗೀ ಕಾರ್ಯಕ್ರಮಲೆನ್ ಮಲ್ಪುನ್ ಜನ ಪ್ರತಿನಿಧಿಯಾದ್ ಎನ್ನ ಕರ್ತವ್ಯ. ಸಮಾಜದ ಮಾತಾ ಸಮಸ್ಯೆಲೆನ್ ಬಗೆಹರಿಸಾವರೆಗ್ ಕೇವಲ ಜನಪ್ರತಿನಿಧಿಲೆಡ ಮಾತ್ರ ಅಸಾಧ್ಯ. ಸಮಾಜದ ಗಣ್ಯೆರು ಬೊಕ್ಕ ದಾನಿಲೆನ ಸಹಕಾರಡ್ ಇಂಚಿನ ಕಾರ್ಯಕ್ರಮ ಯಶಸ್ವಿ ಆವರೆಗ್ ಸಾಧ್ಯವಾತುಂಡ್ ಪಂಡೆರು. ಇಂಚಿನ ಸಮಾಜಸ್ನೇಹೀ ಕಾರ್ಯಕ್ರಮಲೆಗ್ ಸಾರ್ವಜನಿಕೆರು ಬೊಕ್ಕ ದಾನಿಲು ಹೆಚ್ಚಿನ ಸಂಖ್ಯೆಡ್ ಕೈ ಜೋಡಿಸಾವೊಡ್ ಪಂಡೆರ್.
ಈ ಸಂದರ್ಭಡ್ ನಿರೀಕ್ಷಕರು ಉಡುಪಿ ನಗರಠಾಣೆ ಮುಲ್ಪದ ದಕ್ಷ ಬೊಕ್ಕ ಪ್ರಾಮಾಣಿಕ ಪೋಲೀಸ್ ಅಧಿಕಾರಿಯಾಯಿನ ಶ್ರೀಯುತ ಪ್ರಮೋದ್ ಕುಮಾರ್. ಪಿ. ಮೆರೆನ್ ಮಾನಾದಿಗೆ ಮಲ್ತೆರ್. ವಿಜಯ ಕೊಡವೂರು ಮೇರು ಪ್ರಮೋದ್ ಅರೆನ ದಕ್ಷತೆ ಸೇವೆನ್ ಸ್ಮರಿಸಾದ್ ಶ್ಲಾಘಿಸಾಯೆರ್. ಅರೆಡಾದ್ ಉಡುಪಿ ಜಿಲ್ಲೆಡ್ ಅಕ್ರಮ ಚಟುವಟಿಕೆಲು, ಅಪರಾಧೊಲು, ನಿಯಂತ್ರಣಗ್ ಬೈದುಂಡ್ ಪಂಡೆರ್. ಈ ಬದಲಾವಣೆನ್ ಜನಕುಲಾ ಗುರುತಿಸಾದೆರ್. ನನ ದುಂಬಗುಲಾ ಎಡ್ಡೆ ಸೇವೆ ಅರೆಡಾದ್ ಉಡುಪಿ ಜನತೆಗ್ ಸಿಕ್ಜಡ್ ಪಂಡುದ್ ಹಾರೈಸಿಯೆರ್ . ದಕ್ಷ ಬೊಕ್ಕ ಪ್ರಾಮಾಣಿಕ ಅಧಿಕಾರಿಲೆನ್ ಗುರುತಿಸಾದ್ ಗೌರವಿಸಾವುನ ಮುಖೇನ ಸಮಾಜದ ಪ್ರಾಮಾಣಿಕೆರ್ ಪ್ರೋತ್ಸಾಹಿಸಾವೊಡ್ ಪಂಡೆರ್.

ಕಾರ್ಯಕ್ರಮಡ್ ಮಠದಬೆಟ್ಟು ಯುವಕ ಸಂಘದ ಅಧ್ಯಕ್ಷರಾಯಿನ ಉದಯ ಪೂಜಾರಿ,, ಕೊಲ್ಲೂರು ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಸದಸ್ಯರಾಯಿನ ಸಂಧ್ಯಾ ರಮೇಶ್ ,ಹಿಂದೂ ಮಹಾಸಭಾದ ಅಧ್ಯಕ್ಷೆರಾಯಿನ ಪ್ರಮೋದ್ ಉಚ್ಛಿಲ, ಕೊಡವೂರು ವಾರ್ಡ್ ಅಭಿವೃದ್ಧಿ ಸಮಿತಿದ ಅಧ್ಯಕ್ಷ ಅಶೋಕ್ ಶೆಟ್ಟಿಗಾರ್, ಕೊಡವೂರು CA ಬ್ಯಾಂಕ್ ಅಧ್ಯಕ್ಷರಾಯಿನ ನಾರಾಯಣ್ ಬಲ್ಲಾಳ್, ರತ್ನಾಕರ್ ದೇವಾಡಿಗ ಉಪಸ್ಥಿತರಿತ್ತೆರ್, ವಿನಾಯಕ್ ರಾವ್ ಅಧ್ಯಕ್ಷರು ಸೇವಾ ಧಾಮ ಕನ್ಯಾಡಿ ಮೇರು ಕಾರ್ಯಕ್ರಮದ ಅಧ್ಯಕ್ಷೆರಾದಿತ್ತೆರ್.

ಯಶೋದಾಕೇಶವ ಸ್ವಾಗತ ಮಲ್ತುದ್.ಸ್ವಾತಿ ಆಚಾರ್ಯ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

ಬೆಲ್—ಓ—ಸೀಲ್ ಮಜ್ಧೂರ್ ಸಂಘ ಸಂತೆಕಟ್ಟೆ ಮೊಕುಲು ಈ ಸಂದರ್ಭಡ್ ಒಟ್ಟು 16 ಜನಕ್ ಅರಿ ವಿತರಣೆ
ಮಲ್ತೆರ್.

ಪೊಲ್ಲುನ ಯಂತ್ರನ್ ನಾಗಲಕ್ಷ್ಮಿ / ಬತ್ತಿ ಕಟ್ಟುವ ಯಂತ್ರ ಶೋಭಾ / ದಿನಸಿ ಕಿಟ್ ಕೃಷ್ಣ / ವೀಲ್ ಚೇರ್/ ದಾನಿಲೆನ ನೆರವುಡ್ ಆಶ್ರಯ ಧಾಮಗ್ ಕೊರಿಯೆರ್.