ಮಲಬಾರ್ ಗೋಲ್ಡ್ & ಡೈಮಂಡ್ಸ್

ಮಲಬಾರ್ ಗೋಲ್ಡ್ ಡೈಮಂಡ್ಸ್ ವೀಕೃತ ಉಡುಪಿ ಶೋರೂಂ ಉದಿಪನೆ

ಉಡುಪಿ, ಡಿ.28: ನಗರದ ಗೀತಾಂಜಲಿ ಶೋಪರ್ ಸಿಟಿಡುಪ್ಪುನ  ಪ್ರತಿಷ್ಠಿತ ಚಿನ್ನಾಭರಣ  ಸಂಸ್ಥೆ ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ನ  ನವೀಕೃತ ಐಷಾರಾಮಿ ಬೊಕ್ಕ ವಿಶಾಲವಾಯಿನ ಉಡುಪಿ ಶೋರೂಂ ನ್ ಉಡುಪಿ ಬೊಕ್ಕ  ಚಿಕ್ಕಮಗಳೂರು ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಶನಿವಾರ ಉದಿಪನ ಮಲ್ತೆರು.

ಬೊಕ್ಕ  ಪಾತೆರಿನ ಆರು, ಮಲಬಾರ್ ಗೋಲ್ಡ್ ಸಂಸ್ಥೆ ಜಗತ್ತುದ  11 ದೇಶಲೆಡ್  375 ಶೋರೂಂಲ್ ಇತ್ತುದ್, ವಾರ್ಷಿಕ 51ಸಾವಿರ ಕೋಟಿ ರೂ. ವ್ಯವಹಾರ ಮಲ್ತೊಂದುಂಡ್. ಈ ರೀತಿದ  ವ್ಯವಹಾರ ಮಲ್ಪುನ ಕುಡೊಂಜಿ  ಸಂಸ್ಥೆ ಬೇತೆ ಇಜ್ಜಿ. ಆ ಮಟ್ಟಗ್ ಮಲಬಾರ್ ಗೋಲ್ಡ್ ಸಂಸ್ಥೆ  ಬುಲೆದು ಉಂತುದುಂಡ್  ಪಂಡುದು ಪಂಡೆರು.ಸಂಸ್ಥೆ  ವ್ಯವಹಾರದೊಟ್ಟುಗ್ ಬಡವೆರೆಗ್ ನೆರವು ಕೊರ್ಪಿನ  ಕಾರ್ಯಡುಲಾ ತೊಡಗಿಸಾವೊಂದುಂಡ್. ಈ ನವೀಕೃತ ಶೋರೂಂ ಗ್ರಾಹಕೆರೆಗ್  ಕುಡಲಾತ್  ಎಡ್ಡೆ ರೀತಿದ  ಸೇವೆನ್  ಕೊರ್ಪಿಲೆಕ್ಕ ಆವಡ್. ಈ ಸಂಸ್ಥೆ ಎಡ್ಡೆ ಅಭಿವೃದ್ಧಿ ಆವಡ್  ಪಂಡುದು ಆರು ಶುಭಹಾರೈಸಿಯೆರು.

ಉಡುಪಿ ಶೋರೂಂ ಮುಖ್ಯಸ್ಥ ಹಫೀಝ್ ರೆಹಮಾನ್ ಪಾತೆರ್ದ್ , ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ 2013ಡ್  ಉಡುಪಿಡ್  ಶಾಖೆ ಆರಂಭ ಮಲ್ದಿತ್ತುದ್, 2018ಡ್ ಈ ಶೋರೂಂ ಗೀತಾಂಜಲಿ ಶೋಪರ್ ಸಿಟಿಕ್ ಸ್ಥಳಾಂತರ ಆಂಡ್. ಇತ್ತೆ 5000 ಚದರ ಅಡಿ ವಿಸ್ತ್ರೀರ್ಣದ ಶೋರೂಂ 7000ಚದರ ಅಡಿ ವಿಸ್ತ್ರೀರ್ಣಗ್  ವಿಸ್ತಾರ ಮಲ್ದುಂಡ್. ಈ ಮೂಲಕ ಚಿನ್ನಾಭರಣದ  ಸಂಗ್ರಹನ್ ಹೆಚ್ಚ ಮಲ್ದುಂಡ್ ಪಂಡುದು ತೆರಿಪಾಯೆರು.

ಗ್ರಾಹಕೆರಾಯಿನ  ಡಾ.ಚರಿಷ್ಮಾ ಶೆಟ್ಟಿ ಮೈನ್ ಡೈಮಂಡ್, ವಿದ್ಯಾ ಸರಸ್ವತಿ ಹಾಗೂ ಮಾಲಿನಿ ನಾಗೇಶ್ ಡಿವೈನ್ ಹೆರಿಟೇಜ್ ಜ್ಯುವೆಲ್ಲರಿ, ಎಡ್ನಾ ಜತ್ತನ್ನ ಬೊಕ್ಕ ಶಶಿ ಲೋರಯ್ಯ, ರೂಪಾ ಪ್ರಮೋದ್ ಹೆಗ್ಡೆ ಎರಾ ಅನ್ಕಟ್ ಡೈಮಂಡ್ಸ್, ಪಲ್ಲವಿ ಪುರುಷೋತ್ತಮ್ ಪ್ರೆಶಿಯಾ ಜೆಮ್ಸ್ ಸ್ಟೋನ್, ನಜ್ಮಾ ನಝೀರ್ ಎಥ್ನಿಕ್ ಹ್ಯಾಂಡ್ಕ್ರಾಫ್ಟೆಡ್ ಡಿಸೈನ್ಸ್, ಇಂದಿರಾ ಜೀತೇಂದ್ರ ಶೆಟ್ಟಿ ಬೆಳ್ಳಿಯ ರಾಮನ ಮೂರ್ತಿನ್  ಖರೀದಿ ಮಲ್ದಿತ್ತುದ್, ಅಕಲೆಗ್ ಮುಖ್ಯ ಅತಿಥಿಲು  ಗ್ರಾಹಕರೆಗ್  ಹಸ್ತಾಂತರ ಮಲ್ತೆರು.

ಮುಖ್ಯ ಅತಿಥಿಲಾದ್  ಉದ್ಯಮಿ ಬೊಕ್ಕ ಕಟ್ಟಡದ ಮಾಲಕ ಪುರುಷೋತ್ತಮ ಶೆಟ್ಟಿ, ಗೀತಾಂಜಲಿ ಸಿಲ್ಕ್ಸ್ನ ಮಾಲಕ ಸಂತೋಷ್ ವಾಗ್ಳೆ ಶುಭ ಹಾರೈಸಿಯೆರು. ಮಲಬಾರ್ ಗೋಲ್ಡ್ ಡೈಮಂಡ್ಸ್ನ ಕರ್ನಾಟಕದ ಪ್ರಾದೇಶಿಕ ಮುಖ್ಯಸ್ಥ ಫಿಲ್ಸರ್ ಬಾಬು, ವಲಯ ಮುಖ್ಯಸ್ಥ ಸರ್ಫುದ್ದೀನ್, ಮಂಗಳೂರು ಶೋರೂಂ ಮುಖ್ಯಸ್ಥ ಶರಶ್ಚಂದ್ರ, ಕರ್ನಾಟಕ ಮಾರುಕಟ್ಟೆ ಮುಖ್ಯಸ್ಥ ಹುಝೈಲ್ ಅಹ್ಮದ್ ಇತ್ತೆರು.

ಈ ಸಂದರ್ಭಡ್  ಉಡುಪಿ ಸ್ಟೋರ್ ಮೆನೇಜರ್ ಪುರುಂದರ ತಿಂಗಳಾಯ, ಜಿಆರ್ಎಂ ರಾಘವೇಂದ್ರ ನಾಯಕ್, ಡೈಮಂಡ್ ಉಸ್ತುವಾರಿ ಹರೀಶ್ ಎಂ.ಜಿ., ಮಾರುಕಟ್ಟೆ ಮೆನೇಜರ್ ತಂಝೀಮ್ ಶಿರ್ವ, ಸೇಲ್ಸ್ ಮೆನೇಜರ್ ಮುಸ್ತಫಾ ಎ.ಕೆ., ಹಿರಿಯೆರಾಯಿನ ಮುಹಮ್ಮದ್ ಅಡ್ಯಾರ್ ಬೊಕ್ಕ ಗ್ರಾಹಕೆರು ಬೊಕ್ಕ ಸಿಬ್ಬಂದಿ ಉಪಸ್ಥಿತರಿತ್ತೆರು.  ಆರ್. ಜೆ.ನಯನಾ  ಸ್ವಾಗತ ಮಲ್ತುದ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.

ಉಡುಪಿ ಶೋರೂಂಡ್  ಅತ್ಯದ್ಭುತವಾದ ವಿನ್ಯಾಸದ ಆಭರಣೊಲು ಸ್ಪರ್ಧಾತ್ಮಕ ಬೊಕ್ಕ ನ್ಯಾಯಯುತ ಬಿಲೆಟ್  ಲಭ್ಯ ಉಂಡು. ಸ್ಟೋರ್ ದ  ಪುನಾರಂಭದ ಪ್ರಯುಕ್ತ ಗ್ರಾಹಕೆರೆಗ್  ಪ್ರತೀ ಖರೀದಿದೊಟ್ಟುಗ್ ಉಚಿತ ಬೆಳ್ಳಿದ ನಾಣ್ಯ ಕೊರ್ರೆಗಿತ್ತುದ್, ಈ ಕೊಡುಗೆ  ಜ.5ಮುಟ್ಟ ಲಭ್ಯ ಉಂಡು. ವಜ್ರಾಭರಣಗಳ ಖರೀದಿದ ಮಿತ್ತ್  ಶೇ.25ಮುಟ್ಟ  ರಿಯಾಯಿತಿ  ಕೊರ್ಪುಂಡ್.

ಪರ ಮೈನ್ ಡೈಮಂಡ್ ಆಭರಣದ  ವಿನಿಮಯಗ್ ಶೇ.100ದಾತ್  ವಿನಿಮಯ ಮೌಲ್ಯನ್ ಪಡೆತೊನೊಲಿ. ಈ ಶೋರೂಂಡ್  ಮಲಬಾರ್ ಜನಪ್ರಿಯ ಬ್ರ್ಯಾಂಡ್ಗಳಾಯಿನ ಮೈನ್ ಡೈಮಂಡ್ಸ್, ಎರಾ ಅನ್ಕಟ್ ಡೈಮಂಡ್ಸ್, ಡಿವೈನ್ ಹೆರಿಟೇಜ್ ಜ್ಯುವೆಲ್ಲರಿ, ಎಥ್ನಿಕ್ ಹ್ಯಾಂಡ್ಕ್ರಾಫ್ಟೆಡ್ ಡಿಸೈನ್ಸ್, ಪ್ರೆಸಿಯಾ ಜೇಮ್ಸ್ ಸ್ಟೋನ್ ಸಂಗ್ರಹೊಲು ಬೊಕ್ಕ ವಿರಾಝ್ ಪೋಲ್ಕಿ ಆಭರಣದ ಸಂಗ್ರಹ  ಉಂಡು.

ತನ್ನ ಸಾಂಪ್ರದಾಯಿಕ ವಿನ್ಯಾಸಲು, ಸಮಕಾಲೀನ ಆಭರಣಲು ಅತ್ತುಂಡ  ಅತಿಹಗುರದ ಆಭರಣಲು, ದೈನಂದಿನ ಉಡುಗೆದ  ಆಭರಣಲು ಸೇರಿನಂಚ ಗ್ರಾಹಕೆರೆನ ಅಭಿರುಚಿಗ್  ಬೊಕ್ಕ  ಮಾತಾ ಕಾಲಗ್  ತಕ್ಕ  ಆಭರಣಲು ಈ ಉಡುಪಿ ಶೋರೂಂಡ್ ಉಂಡು. ಈ ಶೋರೂಂಡ್  ಬಾರಿ  ಮಲ್ಲ  ಪ್ರದರ್ಶನ ಬೊಕ್ಕ ಮಾರಾಟ ಮೇಳನ್  ಆಯೋಜನೆ ಮಲ್ದಿತ್ತುದ್, ಈ ಮೇಳ ಡಿ.28ಡ್ದ್ 2025 ಜನವರಿ 5 ಮುಟ್ಟ  ನಡಪರೆಗುಂಡ್.