ಕಾಪು : ಸಂಸ್ಕೃತಿ ಈವೆಂಟ್ಸ್ ಪಸ್ತುತಿಡ್ ಅನಿಲ್ ಕುಮಾರ್ ಸಾರಥ್ಯಡ್ ಶುಕ್ರವಾರ ಕಾಪು ಪರ ಮಾರಿಗುಡಿ ಸಭಾಂಗಣಡ್ ನಡತಿನ ಬೃಹತ್ ಪೆಲಕಾಯಿ ಮೇಳನ್ ಕಾಪು ತಾಲ್ಲೂಕು ತಹಶಿಲ್ದಾರ್ ಡಾ. ಪ್ರತಿಭಾ ಆರ್. ಉದಿಪನ ಮಲ್ತೆರು.
ಈ ಸಂದರ್ಭ ಪಾತೆರಿನ ಆರು, ಮೇಳದ ಆಯೋಜನೆಡಾದ್ ನಮ್ಮ ಊರುದ ವ್ಯಾಪಾರಿಲೆನ ವ್ಯಾಪಾರಗ್ ಪ್ರೋತ್ಸಾಹ ತಿಕ್ಕುನ ಒಟ್ಟುಗ್ ಆರ್ಥಿಕ ಸಬಲೀಕರಣಗ್ ಸಹಾಯ ಆಪುಂಡ್. ಕಾಪು ಹಲಸು ಮೇಳದ ಉದ್ದೇಶ ಪ್ರಶಂಸನೀಯ ಪಂಡೆರ್. .
ಕಾಪು ಶ್ರೀ ಹಳೆ ಮಾರಿಗುಡಿ ಮುಕ್ತೇಸರ ಪ್ರಸಾದ್ ಶೆಣೈ, ಕಾಪು ಶ್ರೀ ಹೊಸಮಾರಿಗುಡಿ ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರಾಯಿನ ಶ್ರೀ ವಾಸುದೇವ ಶೆಟ್ಟಿ, ಪ್ರಗತಿಪರ ಕೃಷಿಕ ನವೀನ್ ಶೆಟ್ಟಿ ಕುತ್ಯಾರು ಪಾತೆರಿಯೆರು.
ಈ ಪೊರ್ತುಡ್ ಉದ್ಯಮಿ ಪ್ರಭಾಕರ ಪೂಜಾರಿ, ಯೋಗೀಶ್ ಶೆಟ್ಟಿ, ವೈ ಸುಕುಮಾರ್, ಉದಯ ಶೆಟ್ಟಿ ಇನ್ನಾ, ಹಳೆ ಮಾರಿಗುಡಿ ಟ್ರಸ್ಟಿ ರಾಮ ನಾಯಕ್, ಜೆಸಿಐ ಕಾಪು ಅಧ್ಯಕ್ಷೆ ಅನಿತಾ ಹೆಗ್ಡೆ ಉಪಸ್ಥಿತರಿತ್ತೆರು.
ಮೇಳದ ಆಯೋಜಕೆರಾಯಿನ ರತ್ನಾಕರ ಇಂದ್ರಾಳಿ ಸ್ವಾಗತ ಮಲ್ತೆರು. ಅನಿಲ್ ಕುಮಾರ್ ಸೊಲ್ಮೆ ಸಂದಾಯ್ತ ಮಲ್ತೆರ್.
by 