ಅಂಚೆ ಇಲಾಖೆ

ಭಾರತೀಯ ಅಂಚೆ ಇಲಾಖೆದ  ಉಡುಪಿ ಅಂಚೆ ವಿಭಾಗಡ್ ಪ್ರಶಸ್ತಿ ಪ್ರದಾನ ಸಮಾರಂಭ :

ನಮ್ಮ ಸಹೋದ್ಯೋಗಿಲು ನಮ್ಮ ಆಸ್ತಿ. ಅಂಚೆ ಇಲಾಖೆದ ಬೇತೆ ಬೇತೆ ಯೋಜನೆ ಯೋಚನೆಲೆನ್, ವಿನೂತನ ಪರಿಕಲ್ಪನೆಲೆನ್ ಜನ ಸಾಮಾನ್ಯರೆಗ್  ಮುಟ್ಟಾವರೆಗ್  ಅಂಚೆ ಇಲಾಖೆದ ಸಿಬ್ಬಂದಿಲು ಬೊಕ್ಕ  ಬೇತೆ ಬೇತೆ ಸವಲತ್ತುಲೆನ ಅಧಿಕೃತ ಏಜೆಂಟ್  ನಕ್ಲೆನ ಪಾತ್ರ ಮಹತ್ತರವಾಯೀನವ್  ಪಂಡುದು ಉಡುಪಿ ಅಂಚೆ ವಿಭಾಗದ ಅಂಚೆ ಅಧೀಕ್ಷಕೆರಾಯಿನ ರಮೇಶ್ ಪ್ರಭು ಅಭಿಪ್ರಾಯ ಪಟ್ಟಿಯೆರು. ಉಡುಪಿ ಅಂಚೆ ವಿಭಾಗದ ವಿಭಾಗೀಯ ಮಟ್ಟದ ಪ್ರಶಸ್ತಿ ಪುರಸ್ಕಾರ ಸಮಾರಂಭಡ್  ಅಧ್ಯಕ್ಷತೆಡಿತ್ತುದ್ ಪಾತೆರಿನ  ಆರು ಭಾರತೀಯ ಅಂಚೆ ಇಲಾಖೆ  ಪೊಸತನದೊಟ್ಟುಗ್  ಆಧುನಿಕ ತಂತ್ರಜ್ಞಾನಗ್  ಬೆರೆಯೊಂದುಂಡ್ ಪಂಡೆರು.  ಉದಿಪನ ಮಲ್ತಿನ ಬಡಗಬೆಟ್ಟು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿ ಅಧ್ಯಕ್ಷ ಜಯಕರ ಶೆಟ್ಟಿ ಇಂದ್ರಾಳಿ ಮೇರು ಉಡುಪಿ ಅಂಚೆ ವಿಭಾಗ ಗ್ರಾಹಕರ ಸೇವೆಗ್  ಸದಾ ಮುಂಚೂಣಿಡ್ ಇಪ್ಪುನೇಕ್ ಹರ್ಷ ವ್ಯಕ್ತ ಪಡಿಸಾಯೆರು.ವಿಶ್ರಾಂತ ಹಿರಿಯ ಅಂಚೆ ಅಧೀಕ್ಷಕ ರಾಯಿನ  ರಾಜಶೇಖರ ಭಟ್ ಮೇರು ಪಾತೆರ್ದ್  ರಾಷ್ಟ್ರ ಮಟ್ಟಡುಲಾ ನಿರಂತರ ಪ್ರಶಸ್ತಿ ಪಡೆತೊಂದುಪ್ಪುನ ಉಡುಪಿ ಅಂಚೆ ವಿಭಾಗನ್ ಪುಗಾರಿಯೆರು. ನಿಕಟಪೂರ್ವ ಹಿರಿಯ ಅಂಚೆ ಅಧೀಕ್ಷಕ ನವೀನ್ ಚಂದರ್ ಪ್ರಶಸ್ತಿ ವಿಜೇತರೆಗ್ ಶುಭ ಹಾರೈಸಾದ್ ಪ್ರೇರಣಾ  ಪಾತೆರ ಪಂಡೆರು.ಏಕೀಕೃತ ವಿತರಣಾ ಕೇಂದ್ರ ದ ಸಿಬ್ಬಂದಿ ಶರತ್ ಸುಗಿತೆರು. ಉಡುಪಿ ಅಂಚೆ ವಿಭಾಗದ ಸಹಾಯಕ ಅಂಚೆ ಅಧೀಕ್ಷಕ(ಆರ್) ದಯಾನಂದ ದೇವಾಡಿಗ ಸ್ವಾಗತ ಮಲ್ತೆರು. ಸಹಾಯಕ ಅಂಚೆ ಅಧೀಕ್ಷಕ(ಹೆಚ್ ಕ್ಯೂ) ವಸಂತ್ ಪ್ರಸ್ತಾವನೆ ಮಲ್ತೆರು. ವಿಭಾಗೀಯ ಅಂಚೆ ಕಚೇರಿಯ ಸಿಬ್ಬಂದಿಲಾಯಿನ ಶರ್ಮಿಳಾ,ಜ್ಯೋತಿ ಆಚಾರ್ಯ,ಪ್ರಜ್ವಲ್, ಆಶಾ ಲತಾ, ಉಡುಪಿ ಅಂಚೆ ವಿಭಾಗದ ಉತ್ತರ ಉಪ ಅಂಚೆ ನಿರೀಕ್ಷಕ ಶಂಕರ್ ಲಮಣಿ ಮೇರು ಪ್ರಶಸ್ತಿ ವಿಜೇತೆರೆನ ವಿವರ  ಕೊರಿಯೆರು. ಈ ಸಂಧರ್ಭಡ್ ತಾಂತ್ರಿಕ ನಿರ್ವಹಣಾ ವಿಭಾಗಡ್ ಸಹಕರಿಸಿನ ಉಡುಪಿ ವಿಭಾಗಾ ತಂತ್ರಜ್ಞರೆನ್   ಗುರುತಿಸಾದ್ ಮಾನಾದಿಗೆ ನಡತುಂಡ್..ಉಡುಪಿ ದಕ್ಷಿಣ ಸಹಾಯಕ ಅಂಚೆ ಅಧೀಕ್ಷಕ ಹರೀಶ್ ಮೇರು ಧನ್ಯವಾದ ಮಲ್ತೆರು.ವಿಭಾಗೀಯ ಕಚೇರಿದ ಸಿಬ್ಬಂದಿ ವಿಗ್ನೇಶ್ ಸಹಕಾರ ಕೊರಿಯೆರು. ಉಡುಪಿ ಅಂಚೆ ವಿಭಾಗದ ಏಕೀಕೃತ ವಿತರಣಾ ಕೇಂದ್ರದ ಮೇಲ್ವಿಚಾರಕಿ (ಪ್ರಭಾರ) ಪೂರ್ಣಿಮಾ ಜನಾರ್ದನ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.