ತುಳು ಅಕಾಡೆಮಿದ ಗೌರವ ಪ್ರಶಸ್ತಿ.

ತುಳು ಅಕಾಡೆಮಿದ ಗೌರವ ಪ್ರಶಸ್ತಿ ಬೊಕ್ಕ ಪುಸ್ತಕ  ಇನಾಮುಗ್ ಅರ್ಜಿ ಪಾಡರೆಗ್ ಲೆಪ್ಪು.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ 2022 ಬೊಕ್ಕ 2023ನೇ ಸಾಲುದ  ಗೌರವ ಪ್ರಶಸ್ತಿ ಬೊಕ್ಕ ಪುಸ್ತಕ ಪ್ರಶಸ್ತಿಗ್  ಅರ್ಜಿ ಪಾಡರೆಗ್  ಲೆಪ್ಪು ಕೊರ್ತುಂಡ್. ಅರ್ಜಿನ್  ಸ್ವತಃ ಅಭ್ಯರ್ಥಿಲೇ  ಪಾಡೊಲಿ ಅತ್ತುಂಡ ಬಾಕಿದಕುಲು  ಶಿಫಾರಸ್ಸು ಮಲ್ತುದ್  ಅರ್ಜಿ ಪಾಡೊಲಿ.
ಗೌರವ ಪ್ರಶಸ್ತಿನ್  ವಾರ್ಷಿಕ ಅವರ್ತನೆದಂಚ 3 ವಿಭಾಗಲೆಡ್  ಕೊರ್ಪುಂಡ್.
ತುಳು ಸಾಹಿತ್ಯ – ಸಂಶೋಧನೆ, ತುಳು ಜಾನಪದ ಕ್ಷೇತ್ರ , ತುಳು ಯಕ್ಷಗಾನ ಕ್ಷೇತ್ರ, ತುಳು ಸಿನಿಮಾ – ನಾಟಕ ಕ್ಷೇತ್ರ ಈ ಕ್ಷೇತ್ರಲೆಡ್  ಅನನ್ಯ ಸೇವೆ ಮಲ್ತಿನ  ಮಹನೀಯರೆನ್ ಪರಿಗಣಿಸಾದ್  2 ವಾರ್ಷಿಕ ಸಾಲುಡ್  6 ಜನನ್  ಗೌರವ ಪ್ರಶಸ್ತಿಗ್  ಆಯ್ಕೆ ಮಲ್ಪುಂಡ್.
ಈ ಪಿರಾವುಡ್   ಪ್ರಶಸ್ತಿಗೆ ಅರ್ಜಿ ಪಾಡುದ್, ಆಯ್ಕೆ ಆವಂದಿನ  ಮಹನೀಯೆರೆನ  ಅರ್ಜಿಲೆನ್ ಈ ವರ್ಷಲಾ ಪರಿಗಣನೆ ಮಲ್ಪುಂಡ್. ಅಕುಲು  ಕುಡೊರ ಅರ್ಜಿ ಪಾಡುನ ಅವಶ್ಯಕತೆ ಇಪ್ಪುಜಿ. ಆಂಡ ಸಾಧನೆದ ಪೂರಕ ವಿವರ ಇತ್ತುಂಡ ಕಡಪುಡೊಲಿ. ಪೊಸ  ಅರ್ಜಿ ಪಾಡುನಕುಲು ವ್ಯಕ್ತಿ ಪರಿಚಯದ ಮಾತಾ  ಮಾಹಿತಿಲೆನ್ ಕಡಪುಡಾವೊಲಿ. ಅರ್ಜಿನ್  ಭಾವಚಿತ್ರ ಬೊಕ್ಕ ದಾಖಲೆದ ಪ್ರತಿ ದೀದ್  ಪಾಡೊಡ್.

2022 ಬೊಕ್ಕ  2023 ನೇ ಸಾಲುಡ್ ಪುಸ್ತಕ ಬಹುಮಾನ ಯೋಜನೆಗ್ ಲೇಖಕೆರು ಬೊಕ್ಕ  ಪ್ರಕಾಶಕೆರು ಅರ್ಜಿ ಪಾಡೊಲಿ.  01-01-2022 ಡ್ದ್  31-12-2022 ಮುಟ್ಟ ಬೊಕ್ಕ  01-01-2023 – 31-12-2023  ಡ್  ಪ್ರಕಟ ಆಯಿನ  2 ವರ್ಷದ  ಪ್ರತ್ಯೇಕ ಸಾಲುಡ್  ಪುಸ್ತ್ತಕಲೆನ್ ಪುಸ್ತಕ ಬಹುಮಾನಗ್  ಪರಿಗಣನೆ ಮಲ್ಪುಂಡ್. ತುಳು ಕವನ ಸಂಕಲನ, ತುಳು ಕಥಾ ಸಂಕಲನ, ತುಳು ಕಾದಂಬರಿ, ತುಳು ಕಾವ್ಯ, ತುಳು ನಾಟಕ, ತುಳುತ್ತ  ಬಗ್ಗೆ ಅಧ್ಯಯನ ಗ್ರಂಥ ಬೊಕ್ಕ  ತುಳುಟ್  ಬೇತೆ ಭಾಷೆಗ್-ಬೇತೆ ಭಾಷೆಡ್ದ್  ತುಳುಕ್  ಭಾಷಾಂತರಿತ ಕೃತಿಕುಲೆನ್ ಬಹುಮಾನಗ್ ಲೆಪ್ಪು ಕೊರ್ತುಂಡ್. ಈ ಪ್ರಕಾರಲೆಡ್ ಅಕಾಡೆಮಿ  ಜಾಸ್ತಿ  ಸಂಖ್ಯೆಡ್  ಸ್ವೀಕಾರ ಮಲ್ಪುನ ಪುಸ್ತಕಲೆನ 3 ಪ್ರಕಾರಲೆನ್  ಮಾತ್ರ ಪುಸ್ತಕ ಬಹುಮಾನಗ್ ಪರಿಗಣನೆ ಮಲ್ಪುಂಡ್. ಪುಸ್ತಕದ  ತಲಾ 4 ಪ್ರತಿಕುಲೆನ್ ಅರ್ಜಿದೊಟ್ಟುಗ್  ಪಾಡೊಡು.
ಪ್ರಶಸ್ತಿಗ್  ಅರ್ಜಿ ಕೊರ್ಪಿನಕುಲು  ಲಕೋಟೆದ  ಮಿತ್ತ್ “ತುಳು ಅಕಾಡೆಮಿ ಗೌರವ ಪ್ರಶಸ್ತಿ – 2022 ಬೊಕ್ಕ 2023 ಅಂಚೆನೇ  ಪುಸ್ತಕ ಬಹುಮಾನಗ್ ಅರ್ಜಿ ಪಾಡುನಕುಲು ಲಕೋಟೆದ ಮಿತ್ತ್  “ತುಳು ಅಕಾಡೆಮಿ ಪುಸ್ತಕ ಬಹುಮಾನ ಯೋಜನೆ – 2022 ಬೊಕ್ಕ 2023 ಪಂಡುದು ಕಡ್ಡಾಯವಾದ್  ಬರೆದು, ರಿಜಿಸ್ಟಾçರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ತುಳುಭವನ, ಪೋಸ್ಟ್ ಅಶೋಕನಗರ, ಉರ್ವಸ್ಟೋರ್, ಮಂಗಳೂರು – 575 006 ಈ ವಿಳಾಸಗ್  : 15-07-2024 ರ ಅರ್ಜಿ ಪಾಡರೆಗ್ ಅಕಾಡೆಮಿ ಅಧ್ಯಕ್ಷ, ತಾರಾನಾಥ್ ಗಟ್ಟಿ ಕಾಪಿಕಾಡ್ ಪತ್ರಿಕಾ ಪ್ರಕಟಣೆಡ್  ತೆರಿಪಾದೆರ್.