ಕಲ್ಯಾಣಪುರ ರೋಟರಿದ ವತಿಡ್ದ್ ಕೆಮ್ಮಣ್ಣು ಶಾಲೆಗ್ ಬಾಜನ ಪರಿಕರದ ಕೊಡುಗೆ..

ತೋನ್ಸೆ ಖಂಡಿಗೆ ಹಿರಿಯ ಪ್ರಾಥಮಿಕ ಶಾಲೆ ಕೆಮ್ಮಣ್ಣು ಇಡೆಗ್ ಈ ದಿನ ರೋಟರಿಕ್ಲಬ್ ಕಲ್ಯಾಣಪುರದ ವತಿಡ್ದ್ ರೋಟರಿ ಜಿಲ್ಲಾ ಗೊತ್ತುಮಲ್ದಿನ ನಿಧಿ (ಡಿ.ಡಿ.ಎಫ್) ನಿಧಿಯಡಿ ಮಂಜೂರಾಯಿನ ಯೋಜನೆದ‌ ವತಿಡ್ದ್ ಶಾಲಾ ಬೆಚ್ಚ ವನಸುದ ವ್ಯವಸ್ಥೆಗ್ ಬೋಡಾಯಿನ ಗ್ಯಾಸ್ ಸ್ಟವ್ ಮಿಕ್ಸರ್ ಗ್ರೈಂಡರ್ ಬೊಕ್ಕ ಬಾಜನ ಪರಿಕರೊಲೆನ್ ಅಂದಾಜು ರೂಪಾಯಿ 20500 ವೆಚ್ಚೊಡ್ ಹಸ್ತಾಂತರ ಮಲ್ತೆರ್.

ರೋಟೇರಿಯನ್ ಶಂಭು ಶಂಕರ್ ಅಧ್ಯಕ್ಷರು ರೋಟರಿಕ್ಲಬ್ ಕಲ್ಯಾಣಪುರ ಮೆರೆನ ಅಧ್ಯಕ್ಷತೆಡ್ ನಡತಿನ ಸರಳ ಕಾರ್ಯಕ್ರಮಡ್ ಈ ಪರಿಕರೊಲೆನ್ ಶಾಲಾ ಮುಖ್ಯೋಪಾಧ್ಯಾಯೆರೆಗ್ ಹಸ್ತಾಂತರ ಮಲ್ತೆರ್. ರೋಟರಿ ಜಿಲ್ಲೆ 3182 ರ ಮಾಜಿ ಜಿಲ್ಲಾ ಗವರ್ನರ್ ರೋಟೇರಿಯನ್ ರಾಜಾರಾಮ ಭಟ್ ಮೇರ್ ಮುಖ್ಯ ಅತಿಥಿಯಾದಿತ್ತೆರ್. ಕ್ಲಬ್ ದ ಕಾರ್ಯದರ್ಶಿ ರೋಟೇರಿಯನ್ ಪ್ರಕಾಶ್ ಕುಮಾರ್ ವೇದಿಕೆಡ್ ಉಪಸ್ಥಿತರಿತ್ತೆರ್.. ಶಾಲಾ ನಿವೃತ್ತ ಮುಖ್ಯೋಪಾಧ್ಯಾಯೆರಾಯಿನ ಶ್ರೀ ರವೀಂದ್ರ ರಾವ್ ಪಾತೆರ್ದ್ 125 ವರ್ಷ ಇತಿಹಾಸ ಉಪ್ಪುನ ಈ ಶಾಲಾ ಅಭಿವೃದ್ಧಿಗ್ ರೋಟರಿ ಕಲ್ಯಾಣಪುರ ಕೊರೊಂದುಪ್ಪುನ ಕೊಡುಗೆನ್ ನೆಂಪು ಮಲ್ತೆರ್. ಪ್ರಸಕ್ತ ಕೊರಿನ ಕೊಡುಗೆನ್ ಸದುಪಯೋಗ ಮಲ್ತೊನುವ‌ ಪಂಡುದ್ ಪಂಡೆರ್.. ಶಾಲಾ ಗೌರವ ಶಿಕ್ಷಕರು ಸಭಾ ಕಾರ್ಯಕ್ರಮ ನಿರ್ವಹಣೆ ಮಲ್ತುದ್ . ರೋಟೇರಿಯನ್ ರಾಮಕೃಷ್ಣ ಆಚಾರ್ಯ, ರೋಟೇರಿಯನ್ ಅಲೆನ್ ಲೂವಿಸ್, ರೋಟೇರಿಯನ್ ರಾಮ ಪೂಜಾರಿ ಬೊಕ್ಕ ರೋಟೇರಿಯನ್ ಸುರೇಂದ್ರ ಅಮೀನ್ ಬೊಕ್ಕ ಸದಸ್ಯೆರು ಉಪಸ್ಥಿತರಿತ್ತೆರ್.