ಕುಡ್ಲದ ಪೊಲೀಸ್ ಕಮಿಷನರ್ ಶಶಿಕುಮಾರ್ ಒತ್ತೊಡೊಡ್ ಉಪ್ಪುನ ಕುಡ್ಲದ ಟ್ರಾಫಿಕ್ ಪೊಲೀಸೆರೆಗ್ ಸಂಗೀತ ತೆರಪಿನ್ ಆಯೋಜನೆ ಮಲ್ದೆರ್.ನಮ ಏತೇ ಒತ್ತಡೊಡ್ ಇತ್ತುಂಡಲಾ ಸಂಗೀತೊನ್ ಕೇನುಂಡ ಅತ್ತುಂಡ ಪನೊಂದಿತ್ತಡ ನಮ್ಮ ಒತ್ತಡ ಕಮ್ಮಿ ಆದ್ ಮನಸ್ಸುಗ್ ಖುಷಿ ಕೊರ್ಪುಂಡ್.ಈ ನಿಟ್ಟುಡ್ ಸಂಗೀತ ಪ್ರಿಯೆರಾಯಿನ ಕುಡ್ಲದ ಕಮಿಷನರ್ ಶಶಿಕುಮಾರ್ ಈ ಸಂಗೀತ ತೆರಪಿನ್ ಆಯೋಜನೆ ಮಲ್ದಿನವ್ ಟ್ರಾಫಿಕ್ ಪೊಲೀಸ್ನಕ್ಲೆಗ್ ಒಂತೆ ರಿಲಾಕ್ಸ್ ಆವರೆಗ್ ಎಡ್ಡೆ ಶಿಬಿರ ಆತುಂಡ್.
ಕುಡ್ಲದ ಕದ್ರಿಪಾರ್ಕ್ಕ್ಡ್ ಆಯೋಜನೆ ಮಲ್ದಿನ ಈ ಸಂಗೀತ ತೆರಪಿಡ್ ಸುಮಾರು 130 ಟ್ರಾಫಿಕ್ ಪೊಲೀಸ್ ನಕುಲ್ ಪಾಲ್ ಪಡೆದ್ ನೆತ್ತ ಪ್ರಯೋಜನೆ ಪಡೆತೊಂಡೆರ್.
ಕಾಂಡೆಡ್ದ್ ಬೈಯಮುಟ್ಟ ಕುಡ್ಲಡ್ ವಿಪರೀತವಾಯಿನ ಟ್ರಾಫಿಕ್ ಸಮಸ್ಯೆಲು ದಿನಪೋಯಿಲೆಕ್ಕ ಜಾಸ್ತಿ ಆವೊಂದಿತ್ತುದ್ ಈ ಒತ್ತಡದ ಬದುಕುಗ್ ಒಂತೆ ರಿಲ್ಯಾಕ್ಸ್ ತಿಕ್ಕಡ್ ಪಂಡುದ್ ಈ ಒಂಜಿ ಕಾಂಡೆದ ಸಂಗೀತ ಶಿಬಿರೊನ್ ಆಯೋಜನೆ ಮಲ್ದಿನವ್ ನಿಜವಾದುಲಾ ಒಂಜಿ ಎಡ್ಡೆ ವಿಚಾರ.ಟ್ರಾಫಿಕ್ ಪೊಲೀಸ್ ನಕ್ಲೆನ ಆರೋಗ್ಯದ ಬಗ್ಗೆ ಕಾಳಜಿ ದೀಯೊಂದ್ ಆಕಲೆನ ಮನಾಸಿಕ ಆರೋಗ್ಯ ಸಮಸ್ಥಿತಿಟ್ ಉಪ್ಪಡ್ ಪಂಡುದ್ ಆಯೋಜನೆ ಮಲ್ದಿನ ಈ ಸಂಗೀತ ತೆರಪಿ ಮಾದರಿಯಾಯಿನ ಕೆಲಸ ಪಂಡುದೇ ಪನೊಲಿ.
by 