ಕೆಮ್ತೂರು ತುಳು ನಾಟಕ ಉದಿಪನ

ತುಳುನಾಡುಡ್ ತುಳು ನಾಟಕ ಆರಂಭವಾಯಿನ  ಘಟ್ಟ ಚಳುವಳಿ ರೂಪೊಡೇ  ಆರಂಭವಾದಿತ್ತುಂಡ್..1910ನೇ ಇಸವಿಡೇ  ತುಳು ನಾಟಕ ಕೂಟೊನ್  ಕಟ್ಟೊಂದ್  ಜನಜಾಗೃತಿ ಮೂಡಿಸಾವುನ ಕೆಲಸ ಮಲ್ದುಂಡ್ ಪಂಡುದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ  ಅಧ್ಯಕ್ಷೆರಾಯಿನ ಶ್ರೀ ತಾರಾನಾಥ್ ಗಟ್ಟಿ ತೆರಿಪಾಯೆರು.ಆರು ಜನವರಿ 5 ತಾರೀಕುದಾನಿ  ಉಡುಪಿ ಎಮ್.ಜಿ.ಎಮ್.ಕಾಲೇಜಿದ ಮುದ್ದಣ ಮಂಟಪಡ್ ತುಳುಕೂಟ ಉಡುಪಿ ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಜಂಟಿ ಆಶ್ರಯಡ್ ನಡತಿನ 24ನೇ ವರ್ಷದ ಕೆಮ್ತೂರು ದೊಡ್ಡಣ್ಣ ಶೆಟ್ಟಿ ಮೆರೆನ ನೆಂಪುಡ್ ನಡತಿನ ಕೆಮ್ತೂರು ತುಳು ನಾಟಕ ಪರ್ಬನ್  ಉದಿಪನ ಮಲ್ತುದ್ ಪಾತೆರಿಯೆರು.

ತುಳು ನಾಟಕ ರಂಗೊಗ್ ಕೆಮ್ತೂರು ದೊಡ್ಡಣ್ಣ ಶೆಟ್ರೆನ ಕೊಡುಗೆ ಅಪಾರ.ಅರೆನ ಜನ್ಮಶತಮಾನೋತ್ಸವ ನ್ ಅಕಾಡೆಮಿಧ ವತಿಡ್ದ್ ಆಚರಣೆ ಮಲ್ಪುನ ಬಗೆಟ್ ಚಿಂತನೆ ಮಲ್ತೊಂದುಂಡ್ ಪಂಡೆರ್.
ತುಳು ಕೂಟದ ಸ್ಥಾಪಕ ಗುರಿಕಾರೆರಾಯಿನ  ಶ್ರೀ ಭಾಸ್ಕರಾನಂದ ಕುಮಾರ್ ಮೇರು ಗುರ್ಕಾರ್ಮೆಡಿತ್ತೆರ್..ವೇದಿಕೆಡ್  ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಶ್ರೀಮತಿ ಪೂರ್ಣಿಮಾ,ಎಮ್.ಜಿ.ಎಮ್.ಕಾಲೇಜಿದ ಪ್ರಾಂಶುಪಾಲೆ ಶ್ರೀಮತಿ ವನಿತ ಮಯ್ಯ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ನಾಗೇಶ್ ಕುಮಾರ್ ಉದ್ಯಾವರ, ತುಳುಕೂಟದ ಉಪಾಧ್ಯಕ್ಷೆರಾಯಿನ ಶ್ರೀ ದಿವಾಕರ ಸನಿಲ್, ಶ್ರೀಮತಿ ಶೋಭಾ ಶೆಟ್ಟಿ, ಕೆಮ್ತೂರು ಕುಟುಂಬದ ಪರವಾದ್, ಶ್ರೀ ವಿಜಯ್ ಕುಮಾರ್ ಶೆಟ್ಟಿ, ತುಳುಕೂಟದ ಕೋಶಾಧಿಕಾರಿ ಚೈತನ್ಯ ಎಮ್.ಜಿ., ಗೌರವ ಸಲಹೆಗಾರೆರಾಯಿನ ಶ್ರೀ ವಿಶ್ವನಾಥ ಶೆಣೈ ಉಪಸ್ಥಿತರಿತ್ತೆರು.ಕೆಮ್ತೂರು ನಾಟಕ ಸ್ಪರ್ಧೆದ ಸಂಚಾಲಕೆರಾಯಿನ ಕೆ.ಪ್ರಭಾಕರ ಭಂಡಾರಿ ನಾಟಕದ ಬಗ್ಗೆ ಪ್ರಾಸ್ತಾವಿಕ ಪಾತೆರಿಯೆರು.ಉಪಾಧ್ಯಕ್ಷೆರಾಯಿನ ಶ್ರೀ ಭುವನ ಪ್ರಸಾದ್ ಹೆಗ್ಡೆ ಸ್ವಾಗತ ಮಲ್ತೆರು.ಕಾರ್ಯದರ್ಶಿ ಗಂಗಾಧರ ಕಿದಿಯೂರು ಸೊಲ್ಮೆ ಸಂದಾಯ್ತ ಮಲ್ತೆರು.ವಿ.ಕೆ.ಯಾದವ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.
ಸಭಾ ಕಾರ್ಯಕ್ರಮಡ್ ಬೊಕ್ಕ ಕಲಾಮಂದಿರ ಉಡುಪಿ ಮೊಕ್ಲೆಡ್ದ್ ಸುರುತ ದಿನತ್ತ ನಾಟಕ ಪಿಲಿ ಪ್ರದರ್ಶನ ಆಂಡ್..